كشف الفنان حسام حبيب ، رد فعل زوجته الفنانة شيرين عبدالوهاب، على التسجيل المسرب لوالده ، قائلا :"كنت نايم وشيرين صاحية بتعيط وبتقولي أبوك، قلت لها اتوفى قالت لا حصل كذا.. في الأول ضحكت قبل أما أدرك حجم الموضوع".
اقرأ أيضاً| حسام حبيب يفجر مفاجأة حول التسجيل المسرب.. ويؤكد: «هجيب حق شيرين بالقانون»
وأوضح "حبيب " خلال مداخلة هاتفية مع الإعلامي عمرو أديب ، ببرنامج "الحكاية" المذاع علي قناة "dmc مصر" اليوم الجمعة : "أنا مقدرش أحاسب أبويا، لكن أحاسب الطرف اللي اخترق خصوصياتي.. وشيرين بتعيط مش عشان زعلت مني، لكنها زعلت عليا، قالت لي أنا مش عايزاك تشيل همي، لكن انت صعبان عليا، والناس حاطاك في الصورة دي، ودعت قالت يا رب ارزقنا حسن التصرف".
وتابع: " الموضوع كان صدمة من أقرب الناس لنا أو ناس ملهاش علاقة بينا، بيحكوا تفاصيل أصغر التفاصيل في حياتنا بتتعرض للاختراق، الفنانين بشر، ومش عارف الواحد يروح فين عشان يحمي خصوصيته" قائلا :" لو أنا فنان ومراتي شغالة في محل فول وعندها مشاكل، هسيب شغلي وأروح محل الفول بتاعها"، مؤكداً أن شيرين هي من دعمته وأعادته للساحة الغنائية بعد انقطاع دام 8 سنين.
